مفيش بنت مبتحلمش بشعرها يكون طويل وصحي ولامع، علشان كده النهاردة هانتكلم عن وصفات وطرق طبيعية هتساعدك تطولي شعرك زي ما بتحلمي.

1- البيض

من أحسن الطرق اللي بتغذي الشعر وتزيد لمعانه وده طبعا لأنه غني بالبروتينات والأحماض الدهنية اللي بتساعد عل علاج الجفاف.

طيب ازاي استخدمه في ماسك لتطويل الشعر؟

بنخلط بيضة مع معلقة صغيرة من زيت الزيتون ومعلقة صغيرة من العسل. ضعي القناع على شعر رطب وعلى فروة الرأس لمدة 30 دقيقة والبسي طاقية الاستحمام. اغسلى شعرك بماية فاترة مش ماية سخنة ولاحظي الفرق على شعرك.

ريحة البيض مش بتلزق في الشعر لأن بمجرد ما تشطفيه بالشامبو ريحته بتروح ولكن تأثيره هو اللي بيفضل.

2- المايونيز

المايونيز غني بالبروتينات والأحماض الدهنية ومضادات الأكسدة وده بيساعد على تقوية الشعر وتنعيمه.

وعلشان نستخدمه في تطويل الشعر استخدمي نص كوباية أو كوباية كاملة من المايونيز على حسب طول شعرك، حطيه على شعرك وغطيه لمدة 30 دقيقة وبعدين اشطفيه بالماية والشامبو.

ريحة المايونيز نفاذة جدا وبتفضل في الشعر فترة، فعلشان تتجنبي ده ممكن تخلطيه بالبلسم المناسب لشعرك أو هاتي المايونيز المخصص للشعر.

3- العسل

العسل ليه فوائد واستخدامات كتير اللي من ضمنها إنه بيساعد على تنعيم الشعر وزيادة لمعانه.

وعلشان يطول الشعر امزجي معلقتين صغيرين من العسل مع كوبايتين من الماية الدافية. وحطي المزيج في بخاخ وبعد ما تغسلي شعرك بالشامبو حطيه على فروة راسك مع التدليك لمدة 5 دقايق وبعدين اشطفيه.

طبعا كل الماسكات والطرق دي لازم تكون مصحوبة بتغذية سليمة وشرب كميات كافية من الماية علشان شعرك يستفيد من كل العناصر بجسمك.

دول كانوا أول 3 وصفات من

Bent fit

تابعينا علشان تعرفي باقي الوصفات للعناية بصحة الشعر.